فريق آسيا وورلد – AsiaWorldTeam موقع آسيا وورلد تيم المختص بترجمة الأعمال الكورية واليابانية من أفلام ومسلسلات لإثراء المحتوى العربي وجذب المهتمين بالفن الآسيوي.
يُقدم لكمْ فريق AsiaWorldTeam
ترجمة فيلم الدراما والجريمة الصيني
The Crossing
The Crossing
نتمنى أنْ تحوز الترجمة على رضاكم.
عنوان الفيلم :: The Crossing
بالعربي :: العبور
بالصينية :: 过春天
بالروماجي :: Guo chun tian
التصنيف :: دراما – جريمة – شبابي
تاريخ عرض الفيلم :: 7 سبتمبر 2018
مدة الفيلم :: ساعة و39 دقيقة
المُخرج :: Xue Bai
الكاتب :: Xue Bai
اللغة :: الصينية
البلد المنتجة :: الصين
إعلان الفيلم :: YouTube
الفيلم مُناسب للمُشاهدة العائلية ✔
فتاة تبلغ من العمر 16 عاماً تعبر الحدود كل يوم
من منزلها في الصين إلى مدرستها الثانوية في هونغ كونغ.
تحلم بالذهاب إلى اليابان لمشاهدة أول تساقط ثلوج في حياتها
لكن تتقاطع طرقها مع رجل يعمل في منظمة تهريب
وتقدم على مخاطرة كبيرة من أجل تحقيق حلمها!
ترجمة وتدقيق:: Sondos
نسخ الويب هنا
مشاهدة ممتعة ~
تقريبا من كتر ما حبيت الفيلم في اليوم التاني عدته، قولت مع حالي بعيد المشاهد اللي حبيتها كتير وبحذفه ومش هاين عليا بعد ما اخلص التعليق احذفه زي كل مرة.. لانه كتير بجنن والحلو فيه كمان انه تقريبا ما فيه اشي معين يجبرني احذفه..
المخرج اعتمد على نظرات البطلة ومشاعرها اكتر من المشهد نفسه وهادا اللي جدا ابهرني، يعني ما اضطر انه يصور المشهد بتفاصيله، اكتفى بالمرايا او المشهد من بعيد او الصوت مع وجه البطلة وكنت حابة هادا الاشي لانه ممكن عنجد توصل الاشي اللي بدك اياه خصوصا لو كان مخل بطريقة تانية ما تجبرني انا كمشاهد ممكن استفز منها او اعمل عليها skip. زي مشهد لما راحت عند دار عمتها لصاحبيتها واجى حبيبها وهي ما حبت نفسها انها تشوفهم فدارت نفسها وعمل عنهم blur، ومشهدهم التاني لما كانوا في تدريب الملاكمة وهي صارت تلعب باصابعها عالمرايا.
طبعا القصة جدا عجبتني وما اقتصرت بس عمنطقة التفتيش بخصوص العنوان وكيف بتجازف بأشياء كبيرة عن عمرها كتير، وبنفس الوقت هي شخص هادي وكتير بيكتم اشياء في قلبه واكتر مرة حسيتها بتعبر عن حالها لما سألها هاو ليش بتحب الثلج فحكتله لأني أريد أن أعرف شعور البرد، حرفيا أول اشي وصلني من كلامها انها كتير بتحمل مشاعر غضب فهي من جوا بتحس بحرارة كبيرة فبدها شعور يخليها مرتاحة ويبرد قلبها، اكتر مرة حزنت عليها لما شافت ابوها في المطعم مبسوط مع عيلته التانية وبتشوف العيل التانية في الشوارع مبسوطين.. بتثبت عنجد مهما الشخص كبر لو حس بشعور النقص من هوا وصغير راح يكبر هادا الشعور فيه كل ما كبر مش ينقص..
وكيف ظروف حياتها خلتها تعمل كتير اشياء مش منيحة بس عشان تسافر مع صاحبيتها، البنت كانت بس بدها تهرب بأي طريقة لحتى تقدر تحس حالها انها بتتنفس في الحياة وتنفس اهم اشي عن غضبها المكبوت في صدرها.
طبعا كل مشاهدها مع هاو احلى من التانية، واكتر اشي جذبني منه عيونه رهيبة وكمان حسيت انه جماله مش صيني كتير قريب من الياباني، فةقع في قلبي اكتر كوني ميالة لليابانيين من شرق اسيا بشكل عام.
شكراً كتير Sondos على الترجمة 🌸💚
انتقاءك للأفلام اللي بترجميها عنجد كتير بجنن وصار عندي فضول ارجع لكل فيلم حضرته من ترجمة الفريق واشوف المفضلين ويا رب تكوني انتي منهم😊